ингурулонъя но ошмесутёнъя*
воршудлэн нимыз сярысь
Котькинлэн но курадњытэк улэмез потэ. Котькин но - огшоры турын-куар гинэ но - куанон, шумпотон доры кыстћське. Мукет сямен вераса, котькин но ШУДБУР утча. Нош котькуд адями сое ас сяменыз, ас валамезъя утча. Секыт ќвќл адњыны - огезлэн шудбур сярысь валанэз но шудбур утчан амалэз шонергес, мукетызлэн - мыдланьгес. Басьтом уката но мыдланессэ - аракые выем муртэ. Малы со юэ? Шудо луон понна. Огдырлы со зэмзэ но шудо луэ - кырња, эктэ, ортчо секыт малпанъёсыз-мылкыдъёсыз, сюлэмыз капчи луэ. Сыџе солэн шудбур сярысь валанэз, шудбур утчан амалэз. Асьмеос умой валаськом: сыџе муртлэн шудэз туж чаляк ортче, шудбур сярысь валанэз солэн туж мыдлань. Нош ойдолэ, табере, вылћгес падњае тубыса, асьме шоры отысен учкоме. Оло, асьмеос но огдырлы гинэ вуись, чаляк гинэ ортчись шудэз утчаськом? Оло, асьмелэн но шудбур сярысь валанмы мыдланьгес? Шуом, адями сюлмысь ужа, шуом, тамаклэсь но, аракылэсь но палэнске, ялан тросгес коньдон поттыны, тросгес ваньбур, визьбур люканы тырше. Нош, огъя сямен, пересьмонъяз но кулон матэктонъяз, адями уката но шудтэм луэ, уго ческыт сиён но, ваньбур но, аймесужъёс* но уг шумпотто ни сое. Малпанъёсыз быдэсмизы кадь ке но, утчам шудбурзэ-ваньбурзэ шедьтћз кадь ке но, сюлэмыз шќдэ: "МАР КЕ НО уг тырмы... Ќвќл сюлэмын зэмос каньыллык, зэмос шудбур... Мыдланьгес улћ кадь мон..." Яке, тани, шуом, та дуннеын котьмалэсь но бадњым куанон - со аймескуанон. Нош сыџе куанон кќня кыстћське? Кќня ке минут, кќня ке час. Сыџе чаль макеосты, сыџе чаляк ортчись шумпотонъёсты зэмос шудбур шуыны нокызьы уг луы. Тазьы асьме шоры, улонмы шоры ќжытак вылћгес падњаысен учкыса вераны луоз: огъя сямен, асьмеос ум шедьтћське шудмес. Озьыен, асьмелэн шудбур сярысь валанмы мыдлань. Соин ик шудбур утчан амалмы: улон ќрмы, улон сяммы - ваньмыз мыдлань. Нош СЮЛЭМ ШЌДЭ - нырысетћ лымылы шумпотыса-а, пыдэстэм тём-тём инбамысь дырекъясь кизилиосты учкыса-а, гужем гудырилэн сайкыт, мускыт омырен шорад шокчемезлы лќптыса-а, веськрес нылмуртлэн чеберезлы паймыса-а - луыны кулэ кыџе ке туж чылкыт, туж чебер улон, ноку бырисьтэм шудбур, куанон... Сюлэм шќдэ: шудбур пумтэм-йылтэм лэйкась зарезь выллем. Шудбур котькинлы тырмыт сётэмын. Шудо луон понна, адямилы кулэ ќвќл кинлэсь ке сое таланы, кинлы ке уродкарыны, виыны... Сюлэм вера: шудбуро эльын, ШУДБУРДЋНЬЫН, котькуд вамыш - со эктон, котькуд кыл - со кырњан... Шудбурдћньын скалъёс гань-гань, номырлэсь кышкатэк бичасько вож-вож турын но сяськаос пќлын... Ерпечка кунянэз тћни анаез доры шумприч кадь ворттыса вуэ, котыраз лќптылыса тэтча... Соос номырлэсь уг кышкало, соос сюлмынызы шќдо: милемыз нокин уз йќтылы, уз виы... Сюлэм куре: быдэс дуннеысь адямиос куспазы тупаса мед улысалзы. Быдэс инкуазен огкылысь. Ог-огзылы но, Инкуазьлэн мукет нылпиосызлы но юнме вќськарытэк... Озьыен, Гажано Куномы, ќтиськом Тћледыз шудбурдћнямы милемын џош со шонер дунневаланэз утчаны, кудћз асьмелы зэмос шудбур сётоз, зэмос ШУДБУРДЋНЕ вуттоз. Инкуазен оггурысь улыны тыршись, вань улэпмакеосты гажась-жалясь адями зэмос шудбурлы матынгес луэ ни, шуо вашкала гожъямъёс.
Сыџе ужез гинэ шудбуро шуыны луоз, кудћз Инкуазь Анайлэн вань нылпиосызлы шудбуро луэ - пќртэмез ќвќл, кыџе соос калыкысь, кыџе осконысь яке кыџе улонкабысь (адями-а со, пќйшур-а, будос-а, м.с.).
|
 |
>>>> * чаклаське - эскерон!
| НИМ ВАЛЭКТОН:
ингурулон = ингуръя улон, ингурын улон, ингурен улон, ингурлы улон, ингурез гурласа улон = инкуазен, ингурен оггурысь улон
ошмесутён = ошмесъёсты (инкуазез) утён = ошен мескез (скалэз) утён (учк. инвукылшыкысэз)
ВОРШУД СЯРЫСЬ:
вашкала воршуд кылэз таџе пушваланэн кутћськомы:
воршуд - со шудвордћсь огазеяськон.
воршуд - шудбуро ивор ваись огазеяськон.
воршуд - инкуазьанайлэн* вань вордэм нылпиосызлэн шудбурзы сярысь сюлмаськись огазеяськон.
Огазеяськонмы туж герњаськемын вашкала улонсямен но дунневаланэн. Та ласянь но воршуд кыллэн вашкала валаншќмыз туж умой тупа.
ВАКЧИ НИМЪЁСМЫ:
огазеяськонмылэсь пуштроссэ туж умой возьмато муошворшуд, ингурворшуд, инвуворшуд но ошмесворшуд кылъёс:
муошворшуд - со муошлы но, озьыен, мулы, инкуазьлы, ошен скаллы йыбырттћсь воршуд.
ингурворшуд - инкуазен оггурысь улћсь воршуд | быдњым ингурлэсь - ингурулэсь - дышетскись воршуд | быдњым ингуре тодњись воршуд | ингурез кылзћсь, ингурез кырњась воршуд.
инвуворшуд - дуннеошмесысь ќръяськись инвуэз утчась воршуд | быдэс дуннелы инъет луись инвуэз тодћсь воршуд | котькуд муртлэсь инзэ буйгатћсь инву сярысь верась воршуд.
ошмесворшуд - вашкала дуннеошмесэз утчась воршуд | инкуазьлэсь ошмессэ (мугзэ) валась воршуд | ошен скалэз утьыса, гажаса улћсь воршуд | быдэс инкуазез удћсь ошмесъёсты утись воршуд.
Ошмес кылэз ми тазьы валэктћськомы: ош кыл возьматэ ошез, мес кыл возьматэ, нырысь ик, скалэз, мескез (учке инвукылшыкысмес). Та сяна, мес кыл возьматэ на вань месвыжыез: Музъем Анаез, Инмумыез, вань кышномуртвыжыез - Инкуазь Анаез, огъя вераса.
Вашкала санскриткылын шудбур кыллы кельшись шуддха но шубха кылъёс вань. Со кылъёс возьмато чылкыт сазез но вылћ шудбурез.
Сазьзэ сайкыт карыса, сюлэмзэ чылкыт карыса, адями Дунне Куанонэз веръяны ќдъя но быдэс инкуазен оггурысь улыны-шоканы кутске - Дунне Адями луэ.
|
|
