 Асьмелэн куншетмы но инкуазьлы матэ луэммес возьматэ, инкуазез валаммес возьматэ. Вашкала ведакат ивортэмъя, та быдэс дуннемы куинь гунаос валтэмъя ужа. Быдэс дуннемы, быдэс улонмы, со куинь гунаослэсь куэмын, шуыны луоз. Асьмеос но котькудмы со куинь гунаос валтэмъя улћськомы.
Та куинь гунаосты валам мурт быдэс улонбугорез сэрттыны-пертчыны, дуннеысь котьмае валаны быгатоз ни шуэмын вашкала ведакатын. Саттва-гуна, раджо-гуна но тамо-гуна. Удмурткылын таосты сайкытгур, дартгур но тамыкгур ниманы луоно. Гуна санскрит кыллы гур, ужгур, гозы удмурт кылъёс тупало; соин ик куазьгуръёс, куазьгозыос но шуиськомы на со гунаосты.
Сайкытгур - со сайкыт, чылкыт, шудо-буро гур. Тќдьы буёл талы туж тупа. Дартгур - со њырдыт гур, дыртытћсь гур. Тазэ горд буёл возьматэ. Тамыкгур - со пеймытлык но тодымтэлык; таизлы сьќд буёл џапак тупа.
Басьтом, кылсярысь, адямилэсь улонсямзэ. Сайкытгурын улћсь адями ваньзэ дырыз дыръя, шонер каре. Со шонер вала дуннеез, солэн визьмыз сайкыт, мугорыз таза. Сыџе адями зэмзэ но шудо луэ, соин ик сайкытгурез шудгур но шуыны луоно. Сайкытгур ингурлы но матын ни. Дартгурын улћсь адями мултэс чырмыт, мултэс дыртћсь. Со ялан тросгес куанон, тросгес ваньбур, тодон люканы турттэ. Йылазпумаз* вуттоно ке, сыџе адями курадњон гинэ вае аслыз но, котырысьтыз дуннелы но. Тамыкгурын улћсь адями нош туж азьтэм, ваньзэ мыдлань каре. Со, валасьтэм пќйшур сямен, номыре тодытэк, курадњыса улэ. Огъя сямен, котькуд адями пушкын со куазьгуръёс огогенызы* турлы-турлы итћськемын, огогзэс* ялан вошъяло.
Кизили но куншетлэн шораз пуксемын, тќдьы буёл но шораз пуксемын - та туж интыяз. Горд кизили та учыре возьмaтэ эсэпез, инкуазьэсэпез.
Огъя сямен, улонын туж секыт эсэпсэ шедьтыны. Яке адями мултэс азьтэмъяське, пыд вылаз изьыса ветлэ, номыре тодыны тыршытэк улэ. Яке со мултэс трос ужа, мултэс трос ваньбур поттыны сюлмаське, ассэ мур валаны ваньмытэк. Тазьы адямиез я тамыкгозыос огпала кыско, я дартгозыос мукет пала нуо. Шудбуре вуон
понна, адямилы котькыџе ужын сайкытгурлэсь эсэпсэ адњыны быгатоно.
Горд кизилиез та учыре асэныд - зэмос марњанэн - џошатыны луоно. Њан (лул) шунды выллем. Кызьы шунды сайкатэ инкуазез тём-тём пеймыт дуннепуз пушкын, озьы ик њан сайкатэ улонэз мугор пушкын. Озьыен, адямилы њанкизилизэ, лулзэ, сайкыт инкуазьгурлэн эсэпаз возьыны тыршоно, дартгуре но тамыкгуре палэнскытэк.
Кинлы ке но сьќд буёлэз уг кельшы куншетын. Туж интыяз со сьќд буёл. Со шонер возьматэ зэмос югдурез. Ведакат ивортэмъя, та дуннепуз ас кожаз тём-тём пеймыт; шунды но толэзь гинэ югдыто сое. Та дуннепуз - инмарез аналтэм лулъёслы тупатскон инты, пеймыт пытсэт. Соин ик татын котьку курадњонэз но куректонэз луоз. Та тапалдуннеын котьку чидано луоз, тапа кароно луоз. Соин ик адямилы тупалдуннее, шудбуро весьдуннее, бертон сярысь малпаськоно.
Сьќд буёл музъемез возьматэ на. Кызьы музъемез возьматытэк? Ваньмыз музъем вылын кылле ук, ваньмыз музъемысь потэ ук. Соин ик та сьќд буёл туж интыяз. Со тодэ вайытэ: олокытын инмын лобано ќвќл, олокыџе мудрон янтырдуннеосты кылдытъяно ќвќл. Со тодэ вайытэ: асьмеос ваньмы вашкала Музъемэлен, вашкала Инкуазен, вашкала Шундыен герњаськемын; мугоръёсмы но огшоры инкуазен вордэмын, огшоры музъемысь потэмын.
Сьќд буёл возьматэ на Му Ошез. Вашкалаосмы валамъя, бадњым сьќд ош дуннеез сюръёсыз вылын возе.
 Кунпусмы но вашкалаосмылэн куазьэркын дунневаланзылы туж умой тупа. Ведакатын дуннемы брахманда, дуннепуз шуэмын. Со дуннепузъёс, вупульыос сямен, быдњым мугзарезьын уяло. Вупульыос сямен ик, соос чаляк кылдыло но бырыло (трос миллиард аръёс ортчыса :). Котькудћз сыџе дуннепуз шимес зќк кќмен котыртэмын. Со тросполэс кќмлы луыса, дуннепуз пушкын тём-тём пеймыт.
Сьќд но горд буёлъёс возьмато, дуннепузын кургуръёс - тамыкгур но дартгур - вормо шуыса. Сайкытгуртэк, ингуртэк, шудгуртэк, та дуннепузын туж пеймыт, туж урод луоз. Сайкытгурез татын возьматэ тќдьы юсь. Тќдьы буёл возьматэ тодонэз, чиданэз, инмарлы осконэз. Горд кизилиез џошатыны луоно њанэн, вань дуннеез лулъясь кынарошмесэн.
Собере кык пичигес тќдьы кизилиосты џошатыны луоз на шундыен но толэзен. Ведакат ивортэмъя, шунды но толэзь - со Будњым Инмарлэн кык синъёсыз. Шунды но толэзь тём-тём пеймыт дуннепузэз югдыто, улыны ярамон каро. Соостэк дуннепуз пушкын улон кысоз, тём-тём пеймыт, кезьыт луоз.
Собере, ведакат ивортэмъя, дуннепуз љыныозяз вуэн тырмытэмын - кунпуслэн но љыныез џапак сьќдэн каремын.
Ведакат ивортэмъя, адямилы сайкытгурын улыны тыршоно но та дуннепузысь быдэсак мозмыны дасяськоно. Џапак та шоры возьматэ лобњись яке лобњыны дасяськись юсь. Тќдьы юсь борды кырмиськыса, иське сайкытгурулон, ингурулон, борды кырмиськыса, адямилы та пеймыт дуннепузысь мозмоно но аспиштћсь тупалдуннее потоно.
Озьы ик ведакатын вылћ сћданэ вуэм муртъёсты, инмарлэсь дунчылкыт осконмуртъёссэ парамахамса шуо. Татын хамса санскрит кыл юсь шуэм луэ. Талэн мугез нырысь ик тани ма бордын. Вуэн сурам йќлысь юсь, пе, йќлзэ гинэ, вулэсь висъяса, юыны быгатэ. Та сямен ик, парамахамсаос, юсьёс сямен, быгато висъяны шонерзэ мыдланьлэсь, кулэзэ кулэтэмезлэсь. Вакчияк вераса, соос гинэ шонер валэктыны быгато дуннеез.
Озьы ик юсь Брахма нимо интќроез тыбыр вылаз нуллэ. Брахма - со дуннеез бичась-сазнась покчиинмар. Брахма озьы ик дартгурлэн тќроез луэ. Соин ик горд кирос юсьлэн тыбыраз пукись Брахмаез но возьматыны быгатэ џапак.
Тћни мар сярысь но вераны быгато асьмелы куншетмы но кунпусмы. Та кунпусъёсмы возьмато дуннелэсь мур пушваланзэ, соос инъямын инмарсётэм инкуазь вылэ. Соин ик соослы но, кылмылы но, быдэс удмуртвыжымылы но кема улыны кылдэмын. Асьмелы вашкала удмуртвыжымылэсь улонгурзэ, ингурзэ, та югыт дуннеын азьланьтоно, озьыен, гажано эшъёс.
|
 |
