 | | та шудэз, та чеберез кин вордэ? |
|
Туала адями, мудрон янтырдуннеяз йыромем визьмочи, котырысьтыз ваньзэ ас вылаз ужатыны турттэ: мукет адямиосты, пќйшуръёсты, музъемез - быдэс инкуазез. Со ассэ ялан пумит каре котырысьтыз дуннелы, соин ик уг тоды ингурен оггурысь шудбуро улонэз...
Дуннеадями быдэс дуннеен оггурысь улэ, вань улэпмакеосты яратыса, вань инкуазез гажаса: музъемез, инбамез, шундыез, кизилиосты... Тазьы со дунне кадь бадњым шудбурез шедьтэ. Сыџе муртлэн шудэз быдэс дуннеысь улэпмакеослэн шудэнызы тросполэс полэстћськыса, пумтэмйылтэм* кужмоя но турлыя...
|
|
 |
Инкуазь Анай ассэ пќртэм тусъёсын возьматэ: вордћсь анай тусын, шунтћсь-югдытћсь Шунды Мумы тусын, сюдћсь-сектась Мукылчин тусын но Скал Анай тусын, кудћз паймымон ческыт но ашо йќлзэ сётэ. Скалйќллы луыса, адями капчи сюлмын улыны быгатэ, лулоосты юнме виылытэк...
Ошен ужан понна, нокыџе мудронтыса лэсьтэм арбериос но, музъем гыркысь курадњыса поттэм мувќй но кулэ ќвќл. Таиз асветлэт огшоры турынэн но вуэн ужа! Ошъёсты турлы ужъёсын ужатыны дышытэк, адями инкуазен оггурысь улыны уз быгаты.
|
|
 |
Таиз нош асьмеос - ингурворшудэз чќлтћсьёс. Киямы тани удмуртэльлэн туж аспќртэм куншетэз. Ми - удмуртвыжыысь удам макеос. Та воршудмы - удмуртвыжылэн огез пичильтык пушъетэз.
Кутсконэз-а, пумыз-а та удмурт даурлэн? Чебер пушъёз-а калыкбудосмы, яке выжыеныз ик куасьмыса быроз-а? Туала азинэсшуон улонмы быдтоз-а сое, шундылэсь саййаса*, музъемлэсь люкыса, яке паймымон кужмо удалоз-а со, инву удэмъя? |
| Ми оскиськомы - вашкала выжыысьтыз кужым басьтыса, инвуэз шедьтыса, калыкмы выль кужымен удалоз но паймымон чебер сяськаяськоз. Ми туж оскиськомы калыкмылэн шудбуро адњонэзлы, соин ик воршудмес но шудбурдћнь нимамы.
Асьмеос - вашкала аркалыклэн нылпиосыз. Жаляса верано луэ, туала удмурткалык пумен кыдёкегес палэнске вашкала улонсямлэсь но дунневаланлэсь. Тазьы асьмеос, вань мукет калыкъёс сямен ик, асьмеды Вашкала Ќдћлэсь висъяськомы но шудбудосмес выжытћз ик уретћськомы.
Милям мылмы таџе: мед луоз та удмуртэльмы но быдэс музъемэльмы но зэмос шудбурдћнь. Мед жальыртозы татын дунчылкыт ошмесъёс, мед кылћськозы котьку востэм скалъёслэн но ерпечка кунянъёссылэн лќптыса бќксылэмъёссы... Асьме сюлэмъёсмы но со ошмесъёс кадь чылкыт мед луозы... Асту.
|
|
|
њечбуресь! ќтиськомы шудбурдћнямы!
|
ингурулонъя но ошмесутёнъя удмуртворшуд*
| |
Нылпиос туж мылкыдо шудо понназы луо вылын: оломар но йќндырыны вутто асьсэ пичи луодуннеязы, луолэсь олокыџе но арбериос кылдытыса. Яке куддыр соос кыџе ке лэзьымтэ макеосты шудон каро, џемысь асьсэлы но, мукет адямиослы но кышкытлык кылдытыса. Сыџе ини нылпиослэн ачимъяськон сямзы: тодонзы, валанзы ќжыт ке но, ваньзэ асьсэос, асьсэ сямен, лэсьтыны туртто, анайзылэсь верамзэ пелязы уг поно. Анайзы чакласагес возёно луэ ни нуныкаоссэ, кулэ дыръяз йќттэ но, сэргы но пуктэ - тазьы дася соосты бадњым, зэмос дуннеын улонлы. Та выллем ик, туала азинэсшуон адямилэн но аслаз кылдытэм пичи дуннеяз шудэмез потэ на ялан. Солэн нокызьы уг поты Ингурез кылэмез, Инкуазь Анайлэсь верамзэ пеляз понэмез. Со ялан аслэсьтыз мудрон янтырдуннезэ азинтыны сюлмаське: кортлэсь но пиялалэсь юртъёссэ инмозь љутыса, аслобетъёсыныз но асветлэтъёсыныз отчы-татчы ворттылыса, спутникъёссэ инсьќре киргатъяса.. Ачимъяськон, монъяськон сямызлы луыса, солэн потэ ваньмызлы кузё луэмез: эсьмаса, инкуазез но киулаз карыны турттэ. Нош визьмыз вакчи бере, аслаз ужъёсыныз со аслыз но, котырысь улэпмакеослы но шугадњон гинэ вае. Асьмеос ваньмы Инкуазь Анайлэн ал вылаз улћськомы, шуыны луоз. Нош вылћдышетсконниосын трос дышетскем адямиос уг валало тае, уг адњо! Огшоры адями, ингурез кылћсь, небыт сюлэмо мурт, шќдске, трослы умойгес валаны быгатэ дуннеез, сыџе дышетскем визьлюкъёс сярысь. | Вожнуны быдэсак анаезлэсь киулске. Анаез сое аналтћз ке, нуны быроз, кулоз. Адями туж-туж мыдлань каре, Инкуазь Анайлэсь палэнскыса, музъемез, шундыез, вуэз гажамысь дугдыса, пќйшуръёсты, будосъёсты жалямысь дугдыса. Сыџе адями туж мыдлань улэ!
Йќнтэмъяськись нылпизэ анайзы ќжытак йќттоз но - куддыр сотэк уг луы. Инкуазь Анай но визьманы тырше валасьтэм нылпиоссэ. Висён пыр, курадњон пыр. Я шундыкузёзэ ќжытак золгес пќсятыны косэ, я тќлкузёзэ кужмогес пельтыны косэ, я мукылчинзэ ќжытак зуркатыны косэ... Инкуазь дурыстэм кужмо. Туж вожез потысал ке, со син куспын ваньзэ куашкатыны, сутыны, выйтыны быгатысал. Яратэ ик вылэм Инкуазь Анай адямиез - адямилэсь сомында йќнтэм ужъёссэ адњыса но, со чида адямиез, сюдэ-возе адямиез. Адямилэсь улонзэ югдытон вылысь, мултэс виёнлэсь-курадњытонлэсь мозмытон вылысь, Инкуазь адями доры Скал Анай тусын но лыктэ. Скаллэн йќлаз ваньмыз кулэ луись тырметъёс вань, адямилэсь мугорзэ-тазалыксэ юнматон понна. Скалйќллэсь, скалвќйлэсь, кузятэмлэсь туж ческыт но ашо сиён-юонъёс пќраны луэ - эсьмаса, сћль но кулэ уз луы ни. Тазьы, Скал Анайлы луыса, адями пќйшуръёсты юнме виылытэк улыны быгатэ, жалясь-шќдћсь сюлэмо луыны быгатэ. Тћни сыџе аспќртэм интыез Скал Анайлэн дуннеын. Скал - со адямилы сюлэмчылкытатћсь сиён-юон сётћсь ошмес. Ош Атай пыр нош Инкуазь адямилы эсэпсќрисьтэм кынарошмес сётэ. Ошъёслэсь со кужымзэс турлы ужъёсын кутыны луэ, нырысь ик бусы ужъёсын. Сыџе тћни ошлэн дуннеинтыез. Со, Атай сямен, бусы гыре, нянь будэтэ адямилы, котькыџе секыт ужез ужаны быгатэ. Ош - со адямилы эсэпсќрисьтэм чылкыт кужым сётћсь ошмес.
Берланес-азинэс адямилэн кылдытъям янтыръёсыз, лэсьтћськонниосыз кырсьгес но шушгес каро улонкотырмес, нош Инкуазьлэн кылдытэм асветлэтэз - ошак - чебергес но узыргес каре музъеммес кыедэныз гинэ но. | Шудбур пумтэмйылтэм* зарезь выллем, со котькинлы тырмыт сётэмын. Шудо луон понна, сое кулэ ќвќл (ма, уг но луы) нокинлэсь таланы...
Шудбур инмысь усись зор выллем - со котькин вылэ усе, со котькинлы вылтћз пачылмытыса сётэмын. Нош сое басьтон понна, сюлэмыд дасямын луыны кулэ - вожъяськонэз но монъяськонэз куръямын луыны кулэ.
|
|
 | |
| | та чеберлэсь ингурзэ кин кылэ? |
|
>>>> воршудмылэн быдэстоно ужъёсыз
>>>> воршудмылэн нимыз но дэмдорез
>>>> чаклаське - эскерон!
|
|
НИМ ВАЛЭКТОН:
ошмесдћнь - дуннепулэсь дћньзэ утчась, дуннеошмеслэсь инвузэ утчась муртъёслэн дћньзы
ингурулон = инкуазен оггурысь улон
ошмесутён = ошмесъёсты (инкуазез) утён = ошен мескез (скалэз) утён.
Вашкала воршуд кылэз ми таџе пушваланэн кутћськомы:
Воршуд - со шудвордћсь огазеяськон.
Воршуд - шудбуро ивор ваись огазеяськон.
Воршуд - Инкуазь Анайлэн вань вордэм нылпиосызлэн шудбурзы сярысь сюлмаськись огазеяськон. |
|
Огазеяськонмылэсь пуштроссэ туж умой возьмато муошворшуд, ингурворшуд, ошмесворшуд но инвуворшуд нимкылъёс:
муошворшуд - со муошлы но, озьыен, мулы, инкуазьлы, ошен скаллы йыбырттћсь воршуд.
ингурворшуд - инкуазен оггурысь улћсь воршуд | быдњым ингурлэсь - ингурулэсь - дышетскись воршуд | быдњым ингуре тодњись воршуд | ингурез кылзћсь, ингурез кырњась воршуд.
инвуворшуд - дуннеошмесысь ќръяськись инвуэз утчась воршуд | быдэс дуннелы инъет луись инвуэз тодћсь воршуд | котькуд муртлэсь инзэ буйгатћсь инву сярысь верась воршуд.
ошмесворшуд - вашкала дуннеошмесэз утчась воршуд | инкуазьлэсь ошмессэ (мугзэ) валась воршуд | ошен скалэз утьыса, гажаса улћсь воршуд | быдэс инкуазез удћсь ошмесъёсты утись воршуд.
ВЫЖЫОСМЫ СЯРЫСЬ
Туала адями вашкала выжыоссэ, вашкалаослэсь улонсямзэс но, дунневаланзэс но кулэ ќз кар ни. Ми валамъя, та туж мыдлань. Выжызэ тодыса, адями ассэ но умойгес валаны быгатоз. Асьмелы тросгес тодыны тыршоно вашкалаосмы сярысь... Та понна нимысьтыз бам но усьтћмы. Песятаелэн кык туспуктэмез гинэ кылемын, огез тани:
|
|
 |
Милемлы электронной почтатћ кќня ке пол вуылћзы ни кунгожсьќры кошкем удмуртъёслэн (нылпиоссылэн) гожтэтъёссы. Удмуртъёс сярысь, асьсэ џыжывыжыоссы сярысь тодэмзэ потэ. Мар ке аспќртэмзэ, синмаськымонзэ адњемзы потэ удмурт лулчеберетысь но, дунневаланысь но... Умой луысал, дыр, котькинлы умойгес тодыны вашкала выжыоссэ. Учке дэмлано проектмес.
|
|
|
